One day painting workshop on Viksit Bharat neih a ni

by News Editor

Tualchhung News

ZORAM TODAY| 27th September, 2025: Vawiin hian North East Zone Cultural Centre - NEZCC, Dimapur, Ministry of Culture, Govt of India leh Art & Culture Department Govt of Mizoram tangkawp chuan ni khat awh " One day painting workshop on Viksit Bharat " a buatsaih a, he lemziah intihsiak thupui chu "Cultural & Tradition " tih a ni.

Intihsiak hi category thumah then niin Professional Category-ah Artist 21 an tel a, Young Artists/ College student category-ah zirlai naupang 40 an tel a, School Students category-ah school naupang 98 an tel thei bawk.

Lawmman semna leh One Day Painting Workshop on Viksit Bharat khawrna inkhawm neih nghal a ni a, C. Lalsawivunga, Art & Culture Minister chuan khuallian niin a hman pui. C Lalsawivunga, Hon'ble Minister Art & Culture Department chuan thusawiin - he workshop a telte Aizawl khawchhung mai nilo, Khaw dang atanga rawn tel te an awm avangin lawmthu a sawi a. Lemziak hian thu tam tak a hril theih avangin lemziak mite ropui a tih zia thu a sawi a.

Minister chuan, an thiamna te hi malsawm a nih zel theih nan an kalna tur zelah duhsakna a hlan nghal a ni.

Vanlalhriata, President, Mizoram Art Development Society (MADS) chuan lemziak intihsiak a an endik dan te sawifiahna hun a hmang, intihsiak endiktute hi MADS leh Art & Culture Department te an ni.

Lawmman dawngtute:

Professional category (kum 30 leh a chunglam)

Pakhatna - C Remruatkima, Dinthar Veng (Rs. 1,00,000 & certificate)

Pahnihna - Vanlalzarzova, Upper Republic Veng (Rs. 50,000 & certificate)

Pathumna - K Lalramchhana, Muanna Veng (Rs 25,000 & certificate)

Young Artists/ college student category (Class 12 chunglam leh Kum 30 hnuailam)

Pakhatna - F Malsawmzuala, College Veng (Rs. 25,000 & certificate)

Pahnihna - Zomuanpuia, Lawipu veng (Rs. 15000 & certificate)

Pathumna - Vanlalrohlua, Kanan veng (Rs 10,000 & certificate)

School students category (Class 12 leh a hnuailam)

Pakhatna - Ruthi Lalhmangaihi, Mary Mount School (Rs. 10,000 & certificate)

Pahnihna - Isak Lalrammuanpuia, Govt Mizo H/s (Rs 5,000 & certificate)